Eurodeputeti austriak, Lukas Mandl, ka kritikuar Bashkimin Evropian për mos-liberalizim vizash për Kosovën, duke theksuar se është i vetmi shtet në Ballkanin Perëndimor populli i së cilit që nuk mund të lëviz lirshëm nëpër zonën Schengen.
Mandl këtë deklaratë e dha në mbledhjen e Parlamentit Evropian, ku po diskutohet për Kosovën dhe raportin e progresit të saj, shkruan lajmi.net.
“Sot po flasim për Republikën e Kosovës dhe raportin e Kosovës. Dua të them se Kosova e ka paguar me gjakun e saj lirinë, BE-ja dhe SHBA-ja e ndihmuan vendin për të fituar pavarësinë. Ky vend është bërë demokratik dhe ka shtet ligjor dhe këtë e ka bërë në shpejtësi të madhe. Është demokraci e qëndrueshme. Po, ligjvënia duhet të përmirësohet, por shteti ka një Kushtetutë të fortë”, ka deklaruar ndër të tjera Mandl.
“Ky shtet është njohur mbi njëqind vende, duke përfshirë edhe Izraelin. Ky është vend që ende njihet nga një pakicë anëtarësh të BE-së. Ky është i vetmi vend në Ballkanin Perëndimor që nuk gëzon akses pa viza. Ky vend ka premtime që i janë bërë, të cilat nuk po respektohen. Më pas, premtimet i janë vënë prapa shpinës. Kjo po ndodh me Republikën e Kosovës”, ka thënë më tej ai.
Tutje, Mandl ka cilësuar se kosovarët janë populli më përkrahës i projektit të zgjerimit të BE-së, teksa ka thënë se mund të mësohet shumë nga ta dhe Kosova si demokraci e re.
