Zëvendës Shefi i Byrosë së Gardave Kombëtare Amerikane, Gjenerallejtënant Marc H. Sasseville ka vizituar Forcën e Sigurisë së Kosovës (FSK) këtë të premte.
“Komandanti i Forcës së Sigurisë së Kosovës gjenerallejtënant Bashkim Jashari, priti sot në takim zyrtar Zëvendës Shefin e Byrosë së Gardave Kombëtare Amerikane, Gjenerallejtënant Marc H. Sasseville”, njofton FSK.
Në këtë takim gjeneral Jashari e ka njoftuar gjeneralin Sasseville me të arriturat e FSK-së, planin e zhvillimit dhe tranzicionit, meqë rast e ka njoftuar që fokusi i tij si komandant në kuadër të këtij plani janë zhvillimi i regjimenteve të këmbësorisë dhe operacioneve speciale, ku si model është marrë doktrina amerikane.
“Temë tjetër diskutimi në mes të dy gjeneralëve ka qenë edhe ushtrimi “Defender Europe 2023”, ku pas SHBA, në këtë ushtrim, FSK është kontribuuesi i dytë më i madh në Ballkanin Perëndimor, me mbi 1300 trupa”, njofton tutje FSK.
Në fund të takimit, gjenerali amerikan ka potencuar që Byroja e Gardës Kombëtare dhe SHBA do të vazhdojnë të jenë aleatë besnik të FSK-së.
