Kandidati për kryeministër nga Koalicioni për Kosovën Fituese, Ramush Haradinaj, ka votuar në qendrën e votimit në shkollën e mesme “Ali Sokoli” në Prishtinë.
Haradinaj është shoqëruar nga bashkëshortja e tij Anita, ndërsa për herë të parë në një proces zgjedhor morën pjesë edhe fëmijët e tij, Gjini dhe Hana, të cilët kanë ushtruar të drejtën e tyre kushtetuese të votës.
Haradinaj i cili është kandidat për kryeministër nga Koalicioni për Kosovën Fituese, ka thënë se procesi i votimit ka filluar mirë duke i ftuar qytetarët të dalin dhe votojnë.
“Procesi ka filluar mirë, në përjashtim të votave me kusht ka disa vonesa. Hana dhe Gjini votojnë për herë të parë. Anita dhe unë votuam këtu. Nëna Rukë ka votuar në Gllogjan”. I bëj thirrje të gjithë qytetarëve dilni të votoni. Vota e juaj ka vlerë vetëm në kuti. Kosova ka nevojë për votën tuaj. Na priftë e mbara”, ka thënë Haradinaj. /Telegrafi/
