Sunny Hill Festival është nominuar nga European Festival Awards për dy kategori të rëndësishme të çmimeve ndërkombëtare për vitin 2022, atë të Best Medium -Sized Festival (për Sunny Hill Festival në Prishtinë) dhe Best New Festival (për Sunny Hill Tiranë).
Sunny Hill është në garë me disa nga festivalet më të mëdha evropiane të muzikës, për kategorinë e çmimeve në të cilat është nominuar, mirëpo gjasat për të dalë fitues në cilëndo kategori i ka shumë të mira, marrë parasysh publicitetin e madh ndërkombëtar (rreth 6,000 publikime në media), numrin e madh të pjesëmarrësve në festivalet e Prishtinës dhe Tiranës, si dhe emrat që ka arritë t’i sjellë në kryeqytetet tona gjatë këtij viti.
Performanca nga artistet si Dua Lipa, J Balvin, Stormzy, Skepta, Diplo, AJ Tracey, Afrojack, Hardwell, Action Bronson, DJ Regard, Mahmood, Fedez dhe shume artiste te tjere te huaj e vendore, len te habitur festivalet e tjera Europiane me nivelin e artisteve qe Sunny Hill Festival sjelle ne vendin tone vit pas viti.
Tani, audienca mund ta bëjë dallimin përmes votimit të Sunny Hill Festival për kategoritë në të cilat është nominuar nga European Festival Awards.
Çdo votë për Sunny Hill ka rëndësi, prandaj festivali ka ftuar të gjithë për mbështetje në mënyrë që ta arrijë fitoren, në të dyja kategoritë.
European Festival Awards ka 16 kategoritë e çmimeve të cilat i vlerësojnë arritjet e organizatorëve në këtë fushë dhe nderojnë festivalet dhe individët që tejkalojnë kufijtë dhe pengesat në shumë aspekte shoqërore, përfshirë ndërgjegjësimin dhe progresin social, për të cilën Sunny Hill Festival këtë vit është përmendur më tepër se 500,000 herë në rrjetet e ndryshme sociale (Twitter, Instagram, FB), për fushatën vetëdijësuese për liberalizimin e vizave për Kosovën me titull #SETMEFREE.
