Sot me fillim nga ora 18:00 do të hapet Muzeu i Fëmijëve të Luftës.
Kjo u bë e ditur nga Nisma e të Rinjve për të Drejtat e Njeriut – YIHR.
“Kjo nismë është e përkushtuar për të ruajtur kujtimet e fëmijërisë gjatë luftës në Kosovë, duke siguruar që përjetimet personale të luftës të mos harrohen. Në këtë ngjarje do të hapim ekspozitën e parë të Muzeut “Fëmijëria e Ndërprerë” e cila zbërthen një rrugëtim të fshehjes, të ikjes në kushte ekstreme, të përballjes traumatike me humbjen dhe vdekjen, si dhe të situatës së krijuar pas përfundimit të luftës”, thuhet në njoftimin e kësaj nisme, transmeton Klankosova.tv
