Rita Ora u fotografua në një dalje të rastësishme në Londër gjatë fundjavës.
Interpretuesja e hitit “Your Song” dukej gati për ditën e saj në kryeqytet, teksa doli nga një taksi e veshur me një kapuç me dizajn ushtrie, shkruan DailyMail.
Rita, 31 vjeçe, zgjodhi të kombinonte ansamblin shumëngjyrësh me një palë dollakë që ngjiteshin pas figurës së saj trupore. Këngëtarja kishte veshur edhe një palë atlete shumëngjyrëshe për t’u përshtatur me ansamblin e saj shumëngjyrësh.
Ajo e mbajti fytyrën pak të mbuluar me kapuçin e saj dhe kishte vënë një palë syze dielli për t’i mbrojtur sytë nga dielli rrezatues. Gjithashtu kishte një pamje pa makijazh për ditën në vijim, megjithatë, lëkura e saj ishte ende me shkëlqim.
Kjo paraqitje e saj vjen pak kohë pasi Rita festoi fillimin e markës së saj të qëndrueshme të veshjeve aktive “Human Beings” me një video nga ushtrimet e saj të fitnesit.
