Policia njofton për lëndimin e një qytetari dje në Prizren.
Siç njofton policia, transmeton tv-opinion, si pasojë e erërave të forta janë shkëputur nga kulmi i një objekti disa panele solare të cilat e kanë goditur viktimën mashkull kosovar derisa ishte në vendin e tij të punës duke i shkaktuar kështu lëndime trupore.
Policia thekson se viktima është dërguar në gjendje të rëndë për trajtim mjekësor në QKUK.
Njoftimi i plotë i policisë:
LËNDIM I RËNDË TRUPOR (AKSIDENTAL) /Tranziti i vjetër, Prizren 06.06.2022 – 16:00. Si pasojë e erërave të forta janë shkëputur nga kulmi i një objekti disa panele solare të cilat e kanë goditur viktimën mashkull kosovar derisa ishte në vendin e tij të punës duke i shkaktuar kështu lëndime trupore. Viktima në gjendje të rëndë është dërguar për trajtim mjekësor në QKUK. Lidhur me rastin është njoftuar prokurori si dhe inspektorati i punës.
