Mediumi EURACTIV ka publikuar nëntë nenet e propozimit të shumëpërfolur franko-gjerman, ku në asnjërën ndër to nuk përfshihet njohja reciproke mes Kosovës dhe Serbisë.
Sipas këtij propozimi, Kosova dhe Serbia obligohen të shkëmbejnë Misione të Përhershme, të cilat supozohen të funksionojnë në selinë e Qeverive përkatëse, përcjell lajmi.net.
“Çështjet praktike në lidhje me themelimin e Misioneve do të trajtohen veçmas”, thuhet në nenin tetë të publikuar nga mediumi.
Po ashtu, ky propozim franko-gjerman supozon bashkëpunim mes Kosovës dhe Serbisë në fushën e ekonomisë dhe mbrojtjes.
Në propozim nuk përmendet as njohja e pesë shteteve anëtarë të BE-së, të cilat kanë shprehur skepticizëm për sovranitetin e Kosovës.
Propozimi franko-gjerman, i plotë:
Neni 1
Kosova dhe Serbia do të zhvillojnë marrëdhënie normale, të fqinjësisë së mirë me njëra-tjetrën bazuar në të drejta të barabarta.
Neni 2
Kosova dhe Serbia do të udhëhiqen nga aspiratat e tyre reciproke për anëtarësim në BE.
Neni 3
Në përputhje me MSA (Marrëveshjet e Stabilizim Asociimit) të nënshkruara nga të dyja palët, Kosova dhe Serbia do të zgjidhin çdo mosmarrëveshje ndërmjet asaj kohe ekskluzivisht me mjete paqësore dhe do të përmbahen nga kërcëenimi ose përdorimi i forcës.
Ata riafirmojnë paprekshmërinë kufirit tani dhe në të ardhmen që ekziston mes tyre dhe marrin përsipër të respektojnë plotësisht integritetin territorial të njëri-tjetrit.
Neni 4
Kosova dhe Serbia vazhdojnë me supozimin se asnjëra nga të dy palët nuk mund të përfaqësojë tjetrën në sferën ndërkombëtare dhe as të veprojë në emër të saj.
Neni 5
Kosova dhe Serbia do të promovojnë marrëdhënie paqësore në Ballkanin Perëndimor dhe do të kontribuojnë në sigurinë dhe bashkëpunimin rajonal në Evropë.
Neni 6
Kosova dhe Serbia vazhdojnë me respektimin reciprok të juridiksionit të secilës palë.
Neni 7
Kosova dhe Serbia deklarojnë gatishmërinë e tyre për të rregulluar çështjet praktike dhe humanitare në procesin e normalizimit të marrëdhënieve të tyre. Ata do të lidhnin marrëveshje me synimin për të zhvilluar dhe promovuar në bazë të këtij Traktati dhe për përfitimin e tyre të ndërsjellë bashkëpunimin në fushën e ekonomisë, shkencës dhe teknologjisë, transportit, marrëdhënieve gjyqësore, postave dhe telekomunikacionit, shëndetësisë, kulturës, sportit, mjedisit, mbrojtjes dhe në fusha të tjera. Detajet janë rënë dakord në Protokollin Suplementar.
Neni 8
Kosova dhe Serbia do të shkëmbejnë Misionet e Përhershme. Ato do të vendosen në selinë e Qeverisë përkatëse.
Çështjet praktike në lidhje me themelimin e Misioneve do të trajtohen veçmas.
Neni 9
Kosova dhe Serbia pajtohen që ky Traktat nuk do të ndikojë në traktatet dhe marrëveshjet ndërkombëtare dypalëshe dhe shumëpalëshe të lidhura tashmë prej tyre ose që kanë të bëjnë me to.
