Presidentja e Republikës Kosovës, Vjosa Osmani, po qëndron në Shtetet e Bashkuara të Amerikës, gjersa sot pritet të takohet me Louis L. Bonon, zyrtarin e lartë në Byronë për Çështje Evropiane dhe Euroaziatike.
Ky njoftim është bërë në faqen zyrtare të Departamentit Amerikan të Shtetit.
Takimi është paraparë të mbahet në ora 09:30, sipas kohës lokale atje.
“Në orën 9:30, zyrtari i lartë i Byrosë, Louis Bono takohet me Presidenten e Kosovës Vjosa Osmani Sadriu në Departamentin e Shtetit”, thuhet në njoftim.
Ndryshe, një takim i tillë nuk është paralajmëruar nga Presidenca.
