Dy, nga tre policët e lënduar në veri të Kosovës pritet të lirohen në shtëpi, pas tretmanit mjekësor që kanë marrë në Qendrën Klinike dhe Universitare të Kosovës, përderisa njëri prej tyre pritet të operohet në Klinikën e Kirurgjisë Maksillofaciale.
Postimi i plotë:
Dy, nga tre policët e lënduar në veri të Kosovës pritet të lirohen në shtëpi, pas tretmanin mjekësor që kanë marrë në Qendrën Klinike dhe Universitare të Kosovës, përderisa njëri prej tyre pritet të operohet në Klinikën e Kirurgjisë Maksillofaciale.
Polici që është operuar si rast urgjent në kërcin e gjurit, në Klinikën e Ortopedisë, ka gjendje stabile shëndetësore dhe është në përkujdesje të stafit shëndetësor të kësaj klinike, pritet të lirohet gjatë ditës së nesërme.
Ai ka marrë gjithë kujdesin e nevojshëm, kurse Klinika e Ortopedisë, për punën profesionale ka pranuar falënderim nga Drejtoria e Shërbimeve Shëndetësore e Policisë e Kosovës, të cilët kanë përcjell edhe falenderimet e familjes së tij.
Ndërsa rasti tjetër që është trajtuar në Klinikën e Kirurgjisë Torakale, pas trajtimit, pritet që gjatë ditës të lirohet në shtëpi, në gjendje stabile shëndetësore.
Trajtimin shëndetësor do të vazhdojë njëri nga të lënduarit që po trajtohet në Klinikën e Kirurgjisë Maksillofaciale, i cili aktualisht ka gjendje stabile shëndetësore dhe pritet që t’i nënshtrohet një operacioni.
