Një person është plagosur nga arma e zjarrit mesnatën e së hënës në fshatin Haxhaj në Rugovë.
Sipas një njoftimi për media bëhet e ditur se me këtë rast drejtoria rajonale e Policisё nё Pejё, u njoftua rreth orës 02:20, se nё Spitalin Rajonal nё Pejё, ёshtё njё person i plagosur nga arma e zjarrit.
Tutje në njoftim thuhet se njёsitet relevante menjёherё kanё shkuar nё emergjencёn e Spitalit, aty kanё takuar dëshmitaret e rastit tё cilёt deklarojnё se derisa ishin nё shtёpine e viktimёs ne fshatin Haxhaj-Rugovё, aksidentalisht ka shkrepur arma nga i dyshuari dhe ёshtё plagosur viktima.
“Viktima e rastit pas intervenimit në Spitalin Rajonal nё Pejё, ёshtё dёrguar nё QKUK pёr trajtim mjekёsor”, thuhet në njoftim.
Po ashtu sipas njoftimit bëhet e ditur se nga hetuesit e Stacionit Policor nё Pejё, ёshtё arrestuar i dyshuari i kёtij rasti, ndёrsa nё vendin e ngjarjёs janё gjetur dhe sekuestruar: Njё armё pistoletё M57, njё karikator i sё njëjtёs armë, njё fishek kal: 7.62x25mm, tri gёzhoja kal:7.62x25mm, njё armё automatike AK47, njё karikator i sё njëjtёs armё, tri gёzhoja kal: 7.62×39 mm, gjashtё gёzhoja kal:9mm.
Pas intervistimit nga hetuesit i dyshuari, me vendim tё Prokurorit tё shtetit dёrgohet nё mbajtje pёr 48- orё. /Telegrafi/
