Presidentja e Kosovës, Vjosa Osmani ka thënë se nënshkrimi i marrëveshjes për normalizimin e marrëdhënieve me Serbinë, i hap rrugë Kosovës drejt anëtarësimit në organizata ndërkombëtare. Ndërsa ka thënë se Kosova në Ohër shkon me mendësinë e arritjes së një marrëveshje të drejtë, të qëndrueshme dhe gjithëpërfshirëse, raporton Ekonomia Online.
Pas takimit me të emisarin amerikan për dialogun, Gabriel Escobar, Osmani tha se çdo tendencë nga Serbia për ta penguar këtë marrëveshje do ta dëmtoj procesion e dialogut.
“Besojmë fort se një marrëveshje e drejtë, e qëndrueshme dhe gjithëpërfshirëse është e vetmja mënyrë për të siguruar paqe afatgjatë dhe prosperitet.Kosova shkon drejt Ohrit me këtë mendësi dhe shpresë për rezultat pozitiv. Çdo tendencë nga Serbia për ta penguar këtë marrëveshje mund ta dëmtoj procesin e dialogut.
Jam e bindur se marrëveshja do të sjell rezultate konkrete, integrimin Kosovës në institucionet euroatlantike”, tha Osmani.
Presidentja Osmani tha se kjo marrëveshje mundëson edhe përfshirjen e komunitetit serb në institucionet e Kosovës si dhe shpërbërjen e strukturave ilegale të Serbisë në Kosovë.
Osmani tha se në këtë proces negociator me çdo kusht do të ruhet rendi kushtetues, integriteti dhe funksionaliteti.
