Një rast i rëndë ka ndodhur të enjten në fshatin Bardhosh të Prishtinës.
Siç njofton policia, babai ka tentuar të vrasë të birin, duke e goditur me mjet të fortë.
“Rreth orës 07:00 kemi marrë informatën se në fshatin Bardhosh të Prishtinës, një person i dyshuar ka goditur në kokë viktimën me një mjet të fortë dhe të njëjtit i ka shkaktuar lëndime trupore”, ka thënë zëdhënësja e Policisë, Flora Ahmeti.
Lidhur me rastin, njësitet policore kanë dalë në vendin e ngjarjes dhe kanë nisur hetimet.
Ky veprim është cilësuar vrasje e rëndë në tentativë.
Po ashtu të dyshuarit i është konfiskuar një armë, derisa është ndaluar në kohëzgjatje prej 48 orësh.
