Gjendja e jashtëzakonshme, si dhe masat e vendosura për ndalimin e përhapjes së koronavirusit, do të përfundojnë më 1 gusht në Francë, pas një projektligji të miratuar nga parlamenti francez.
Deputetët në Asamblenë Kombëtare votuan 184 pro dhe 149 kundër.
Projektligji është vendosur të zëvendësojë gjendjen e jashtëzakonshme të vendosur në mars 2020, e cila përfshinte gjithashtu masa të jashtëzakonshme të koronavirusit si bllokimi, detyrimi për të mbajtur maska si dhe mbajtja e një lejeje shëndetësore.
“Në rast të një krize shëndetësore në të ardhmen, nëse qeveria ka nevojë për kompetenca të jashtëzakonshme, ajo do të duhet t’i negociojë ato një nga një me parlamentin,” vuri në dukje senatori republikan Philippe Bas pas votimit, shengenviza.info.
Megjithatë, është sqaruar se projektligji ka një dispozitë që lejon qeverinë franceze të kërkojë që pasagjerët të paraqesin prova që tregojnë se kanë rezultuar negativë për koronavirus kur planifikojnë të hyjnë në Francë nga vende të tjera, në rast se e kërkon situata shëndetësore.
Sipas autoriteteve në Francë, kërkesa e re e testit do të aktivizohet vetëm nëse situata epidemiologjike në vend përkeqësohet.
Rivendosja e këtij projektligji nuk është mirëpritur nga Autoriteti i Shëndetit Publik Francez (HAS), si dhe nga njësia mjekësore. Përveç kësaj, ata kanë kundërshtuar rikthimin e tij.
