Në Kuvendin e Kosovës është duke u mbajtur interpelancë e ministrit të Financave, Hekuran Murati në lidhje me mos-ekzekutimin e pagave për mësuesit grevistë.
Ministri tha se ligji e parasheh se përderisa punëmarrësit janë në grevë, obligimet nga kontratat pezullohen, shkruan lajmi.net.
Ai tha se askush s’mund të paguhet pa punuar.
“Ligji e thotë se përderisa punëmarrësit janë në grevë, obligimet për të paguar pezullohen. Me fjalë të tjera nuk mund të paguhet dikush pa punuar. Për këtë arsye duhet të sigurohemi që organizatat buxhetore të respektojnë ligjin dhe këtë do të bëjmë çdoherë”, tha Murati.
