Deputetja Kati Piri, ka ngritur ditën e djeshme një mocion në Parlamentin e Holandën, përmes së cilit ka kërkuar që Qeveria e Holandës të rikonsiderojë qëndrimin për liberalizimin e vizave për qytetarët e Kosovës.
Piri ka theksuar me këtë rast se qytetarët e Kosovës janë të vetmit në rajonin e Ballkanit Perëndimor që s’kanë të drejtë të lëvizin lirshëm në Zonën Shengen.
“Mocioni për liberalizimin e vizave në Kosovë Dhoma, pasi dëgjoi diskutimin, duke vënë në dukje se banorët e Kosovës janë të vetmit në Ballkanin Perëndimor që ende nuk janë në gjendje të udhëtojnë pa viza në BE; Duke vënë në dukje se Komisioni Evropian tashmë në vitin 2018 ka konstatuar se Kosova i plotëson të gjitha kriteret teknike për liberalizimin e vizave, por Këshilli e ka shtyrë disa herë këtë vendim; a Kërkon nga qeveria, në bazë të këshillës së Komisionit, të shqyrtojë liberalizimin e vizave për Kosovën në një afat të shkurtër; Dhe vazhdon sipas rendit të ditës”, thuhet në letrën e Mocionit të deputetes Kati Piri.
Ky mocion është hedhur në votim ndërsa qëndrimi i deputetëve të Holandës ka qenë befasues, duke qenë se ku shtet është prej vendeve skeptike sa i përket qëndrimit për heqjen e regjimit të vizave për Kosovën.
Nga 150 deputetë sa kanë marrë pjesë ne votim, 100 kanë votuar “pro” mocionit të deputetes Kati Piri derisa 47 kanë qenë kundër dhe 3 abstenime.
Ky disponim i Parlamentit holandez ka nxitur edhe reagimin e deputetes Kati Piri, e cila ka thënë se është lajm i mirë që më në fund një gjë e tillë po ndodh në Holandë, meqë vendi i saj ka mbajtur pozicion bllokues.
