Java e 32-të në Superligën e Kosovës në futboll përmbyllet sot me dy ndeshje në program.
Takimet kryesore të kësaj xhiroje zhvillohen pikërisht sot në Suharekë dhe Podujevë, shkruan lajmi.net.
Prishtina e Debatik Currit viziton Suharekën për t’u përballur me Ballkanin.
Fitorja është e domosdoshme për dy skuadrat që kanë objektiva të ndryshme këtë edicion.
Përballje e zjarrtë pritet të jetë edhe në stadiumin “Zahir Pajaziti” në Podujevë.
Llapi i bën konak Dritës dhe çdo opsion tjetër përpos pikëve të plota mund të jetë “fatal” për dy ekipet.
Dyja sfidat në fjalë luhen nga ora 15:00./Lajmi.net/
