Lista e Partisë Demokratike të Kosovës në zgjedhjet e 9 shkurtit

Kryetari i kësaj partie Memli Krasniqi u shpreh se lista e PDK-së nuk paraqet vetëm emra, por një ekip fitues me vizion për të ardhmen, të përkushtuar për një Kosovë ma të mirë.

Bartës i listës është Bedri Hamza i cili është edhe kandidatë për kryeministër nga kjo parti.

Emra të tjerë të njohur që janë pjesë e listës së PDK-së për kandidatë për deputetë janë: Vlora Çitaku, ish-ambasadore e Kosovës në SHBA, Bernard Nikaj, ish-amasbadori i Kosovës në Bruksel, Mimoza Ahmetaj, ish-ministre e Integrimeve Evropiane, Artan Behrami, ish-këshilltari i presidentit Hashim Thaçi, Leutrim Retkoceri aktualisht asamblist i PDK-së në Komunën e Prishtinës, Genc Prelvukaj , këngëtar dhe anëtarë i kryesisë së PDK-së dhe shumë emra të tjerë.