Transferimi i Suarez te River Plate mund të bëhet i ditur këtë të hënë (sot). Gazetari Bruno Vain nga ‘Direct TV’ pohoi se informacioni vjen nga “burimi më i mirë i mundshëm” dhe se njoftimi do të zyrtarizohet në orët në vijim.
E ardhmja e uruguaianit mund të jetë më afër se kurrë një përfundimi të suksesshëm. Që kur Atletico konfirmoi largimin e tij, një numër skuadrash kanë shprehur interesimin e tyre për shërbimet e tij.
Edhe Barcelona shqyrtoi mundësinë e kthimit të sulmuesit në Camp Nou, një opsion të cilin ata e shpërfillën pasi duan që Robert Lewandowski të udhëheqë sulmin.
Një nga klubet që tregoi interes, edhe pse në mënyrë shumë informale, ishte River Plate. Një transferim te klubi argjentinas dukej praktikisht i pamundur, kryesisht për aspektin financiar.
Megjithatë, River tani është bërë një opsion real. Aq sa nënshkrimi i sulmuesit mund të zyrtarizohet pikërisht këtë të hënë, nëse merren parasysh burimet e Bruno Vain.
Gazetari i ‘Direct TV’ bëri të ditur se ky informacion i ka ardhur nga “burimi më i mirë i mundshëm”. Nëse ai përfundon në El Monumental, ai do të ishte zëvendësuesi natyral i Julian Alvarez , i cili u largua për në Manchester City.
