Albin Kurti, Kryeministër i Kosovës, gjatë gjithë seancës i ka thënë opozitës se është duke e përdorur diskursin e ekstremistes së djathtës franceze, Marie Le Pen.
Kurti politikanen opozitare franceze e ka përmendur teksa ka kundërshtuar Tërheqjen e Trustit Pensional.
“Kjo është retorika e Le Penit, çmimet, shtrenjtimet, pa e shikuar fare strukturën ekonomike, financën publike apo planet zhvillimore”, ka thënë Kurti.
Atij i është kundërpërgjigjur deputetja e Partisë Demokratike të Kosovës (PDK), Ganimete Musliu e cila i tha Kurtit “se ai ka komoditet të merret me filozofi”.
“Unë po merrem me Muratin në Skenderaj, Gencin në Gjilan, Teutën në Prishtinë e jo me Le Penin”, ka thënë Musliu, të enjten.
Por Kurti vazhdimisht ka këmbëngulur se “retorika e opozitës është populiste”.
