Kompania “Pastrimi” sërish me probleme për shkak të siç thonë mbylljes së deponisë nga ana e KMDK-së, kamionët e kompanisë nuk munden të zbrazen dhe si pasojë mbeturinat në kryeqytet nuk do të mund të mblidhen.
Në njoftimin për media bëhet e ditur se kjo mund të ketë pasoja në shëndetin publik për shkak të ndonjë rreziku të përhapjes së ndonjë epidemie për shkak të sasisë së madhe të mbeturinave në qytet.
Të nderuar qytetarë, ju njoftojmë se për shkak të mbylljes së deponisë nga ana e KMDK-së, kamionët e Kompanisë “Pastrimi” nuk munden të zbrazen.
Si pasojë e kësaj mbeturinat në Komunën e Prishtinës dhe Komunat tjera ku operon Kompania “Pastrimi” nuk do të grumbullohen.
Është e pa kuptueshme si në këto temperatura kaq të larta të ndodhë një gjë e tillë. Kjo mund të ketë pasoja në shëndetin publik për shkak të ndonjë rreziku të përhapjes së ndonjë epidemie për shkak të sasisë së madhe të mbeturinave në qytet.
Po ashtu duhet të ceket se gjatë fluksit më të madh të punës, çdo ditë Deponia mbyllet, ndërsa hapet në përfundim të orarit dhe kështu drejtpërdrejtë atakohen punëtorët e Kompanisë “Pastrimi”. Për neve një maltretim i tillë është i papranueshëm.
Lutemi të gjendet sa më parë një zgjidhje pasi situata në qytet është tepër rëndë. /Telegrafi/
