Kryeministrja e Britanisë së Madhe, Liz Truss, dha dorëheqjen nga posti, vetëm pas pak më shumë se një muaj në detyrë, raporton BBC.
Ajo tha se nuk mund të vazhdonte në detyrë për shkak se nuk mund të zbatonte premtimet me të cilat u zgjodh në këtë detyrë nga partia e saj.
Mandati i saj i shkurtër u shënua nga largimi i beftë i dy ministrave dhe kriza e tregjeve financiare në vend.
Sipas mediave britanike, ajo mori këtë vendim për shkak se humbi besimin e thuajse të gjithë deputetëve të Partisë Konservatore, të cilët votuan dy muaj më parë për ta zgjedhur si pasuesen e Boris Johnson.
