Ka nisur aksioni i Inspeksionit të Komunës së Prishtinës në Pallatin e Rinisë për largimin e disa konstruksioneve të vendosura pa leje, që po ia ndryshojnë pamjen origjinale këtij objekti.
Për të parë zhvillet e këtij aksioni i pranishëm në Pallat është edhe kryetari i Komunës, Përparim Rama, i cili tha se ky aksion po ndodh për kthimin e pallatit në gjendjen origjinale.
Ai tha se sot kanë nisur me këtë aksion por do të vazhdojnë tutje për të gjitha intervenimet që janë të jashtëligjshme.
Duke e konsideruar se aksion i sotëm është bazuar në ligj, Rama tha se janë duke punuar në një projekti për restaurimin e Pallatit të Rinisë.
Postimi i tij i plotë:
Hapësirat publike po iu kthehen qytetarëve, e Pallatit të Rinisë po i rikthehet identiteti i tij! 
Bashkë me Nënkryetarin, z. Alban Zogaj dhe Drejtorin e Inspekcionit, z. Florian Dushi, pamë nga afër largimin e konstruksioneve të vendosura pa leje në objektin e Pallatit.
