Ikona e Barcelonës, Hristo Stoichkov, beson se Robert Lewandowski do të fitojë titullin e La Ligës në edicionin 2022/23.
La Blaugrana konfirmoi se ata kanë rënë dakord për një marrëveshje transferimi për të sjellë polakin në Kataluni pas javësh spekulimesh.
Lewandowski ka përfunduar sot (e hënë) kalimin te Barcelona, duke u bashkuar me shokët e tij të rinj në turneun e tyre parasezonal në Shtetet e Bashkuara.
Pavarësisht spekulimeve mbi aftësinë e Lewandowskit për të ruajtur standardet e tij të pabesueshme, pasi ai mbush 34 vjeç muajin e ardhshëm, sulmuesi veteran është i sigurt në aftësinë e tij për të vazhduar në nivelin më të lartë.
Legjenda bullgare Stoichkov mbështeti Lewandowskin për të bërë një ndikim të madh në Camp Nou këtë sezon, pasi ata synojnë të zhvillojnë një sfidë për titull në këtë edicion.
“Jam shumë i lumtur me këtë nënshkrim. Ai është një golashënues i mrekullueshëm, i cili sjell shumë karakteristika të ndryshme dhe punon shumë fort”, ka thënë ai për Mundo Deportivo.
“Barcelona kishte nevojë për një golashënues dhe tani ka një të tillë”.
“Me këtë skuadër, Barça do të fitojë La Ligën, këtë do ta them tani”, ka shtuar më tej Stoichkov.
Lewandowski largohet nga Bayern Munich pas një karriere të jashtëzakonshme në Allianz Arena me 238 gola në Bundesligë në 253 ndeshje në tetë sezone në klub.
