Nga 22 shtatori kur edhe është proceduar në Qeveri Projektligji për plotësim ndryshimin e Fondit të Sigurimeve Pensionale, kanë mbetur edhe dy javë kur ekzekutivi duhet të kthejë përgjigje për lejimin ose jo të tërheqjes së mjeteve.
Deputeti nga radhët e PDK-së, Bekim Haxhiu, që ishte iniciues i kësaj iniciative, ka thënë se më mirë do të ishte që qytetarëve t`u mundësohej tërheqja e tyre sesa humbja e 161 milionëve nga investimet e Trustit.
“Ata që votuan kundër Projektligjit për Trustin duhet të përgjigjen para qytetarëve dhe ta përmirësojnë gabimin tani kur Projektligji për Trustin po rikthehet në Kuvend me mbi 21 mijë nënshkrime të qytetarëve”, deklaroi për Front Online.
Ai qëndrimin e mbështeti në këtë argument.
“Është shumë më e drejtë që t’iu mundësohet qytetarëve të tërheqin deri 30% të kursimeve të tyre në Trust, se sa parat e Trustit të humbin në tregjet ndërkombëtare. Presim mbështetje për kërkesën e qytetarëve në këtë thellim enorm të krizës”, theksoi ai.
