Për ndër të 15-vjetorit të shpalljes së Pavarësisë së Kosovës, lideri i AAK-së, Ramush Haradinaj, ka bërë homazhe në kompleksin memorial Adem Jashari në Prekaz.
Në profilin e tij në “Facebook”, ai ka shkruar se nderimi është i përhershëm për Jasharajt dhe kryekomandantin Adem Jashari.
“Në Prekaz, aty ku buron liria. Nderimi është i përhershëm për Jasharajt dhe Kryekomandantin Adem Jashari, të cilët ndryshuan rrjedhën e historisë sonë të re. Kosovë, urime 15-vjetori i Pavarësisë”, ka shkruar Haradinaj.
