Ish-komandanti i UÇK-së dhe ish-kryeministri i Kosovës, Ramush Haradinaj, ka uruar për Ditën e Çlirimit, duke thënë se Kosova është e lirë falë gjakut të ushtarëve dhe ndërhyrjes së NATO-s.
“E shenjtë është dita e lirisë së Kosovës. Falë gjakut të Dëshmorëve, vendosmërisë e trimërisë së luftëtarëve të UÇK-së, intervenimit të NATO-s, sot jemi pjesë e botës së lirë!” shkroi Haradianj në Facebook.
I pari i AAK-së shtoi se amaneti i të rënëve për liri na obligon të ruajmë dhe zhvillojmë Kosovën.
“Amaneti i atyre që ranë për lirinë që e gëzojmë sot, na obligon ta ruajmë të plotë e ta zhvillojmë Kosovën! Kosovë, urime Dita e Çlirimit!” shtoi ai.
Postimi i tij i plotë:
E shenjtë është dita e lirisë së Kosovës.
Falë gjakut të Dëshmorëve, vendosmërisë e trimërisë së luftëtarëve të UÇK-së, intervenimit të NATO-s, sot jemi pjesë e botës së lirë!
Amaneti i atyre që ranë për lirinë që e gëzojmë sot, na obligon ta ruajmë të plotë e ta zhvillojmë Kosovën!
Kosovë, urime Dita e Çlirimit!
