Kryetari i Mitrovicës, Bedri Hamza ka qëndruar sot në Hagë ku ka vizituar krerët e UÇK-së.
Këtë e bëri të ditur vet Hamza me anë të një postimi në Facebook.
Ai ka thënë se lufta e popullit të Kosovës ishte e drejtë dhe e pastër, andaj edhe krerët e luftës atje janë krenarë, shkruan lajmi.net.
“Me besimin e pa thyer që shumë shpejt do të jenë pranë nesh, të lirë siç u takon, u çmallëm e folëm gjerë e gjatë për Kosovën që aq shumë e duan”, shkroi Hamza.
Postimi i plotë i Hamzës në Facebook:
Sot, në Hagë, pata një ndër vizitat më emocionale të jetës time. Takova Hashim Thaçin dhe Kadri Veselin. Aty takova edhe Rexhep Selimin dhe Hysni Gucatin.Të gjithë ushtarët e lirisë ishin mirë!
Lufta mbrojtëse e popullit të Kosovës ishte e drejtë dhe e pastër andaj kurrë më krenarë se sot nuk i pashë edhe në këtë betejë të tyre.
Me besimin e pa thyer që shumë shpejt do të jenë pranë nesh, të lirë siç u takon, u çmallëm e folëm gjerë e gjatë për Kosovën që aq shumë e duan.
Luftës së drejtë të Ushtrisë Çlirimtare të Kosovës nuk do të mundet kurrë askush t’i vë damkë.
