Prokuroria Speciale e Republikës së Kosovës ka bërë me dije se ka dëgjuar me vëmendje deklaratat e deputetit të Kuvendit të Kosovës, Haki Abazi, dhënë të enjten për medie, ku ka dhe se i njëjti së shpejti do të ftohet për intervistim.
Deputeti i Vetëvendosjes, Haki Abazi, ka thënë se nesër e marte, në ora 10 do do të intervistohet nga prokuroria.
“Nesër në ora 10:00, është caktuar intervista”, ka thënë shkurt Abazi.
Avokati Tomë Gashi ka konfirmuar se në cilësinë e përfaqësuesit juridik të familjes Dehari ka bërë kërkesë që të marrë pjesë gjatë marrjes në pyetje të tij në Prokurori.
“Në cilësinë e përfaqësuesit juridik të familjes Dehari sot me shkrim kam kërkuar që të marrë pjesë gjatë marrjes në pyetje tv tij në Prokurori”, ka shkruar avokati Gashi në Facebook.
Ndryshe ai do të intervistohet nga prokuroria për deklaratat që i tha për rastin e zhdukjes së mostrave të ish-aktivistit të LVV-së Astrit Dehari.
