Hakerët të cilët sulmuan të gjitha platformat dhe faqet qeveritare pak ditë më parë kanë publikuar disa e-maile të kryeministrit Edi Rama.
Kryesisht janë ankesa të qytetarëve, të cilat kanë në fokus problemet e punësimit në administratë, problemet me pronat apo kriteret që përdoren në tenderët publikë të cilat kanë përjashtuar kompani të ndryshme.
Gjithashtu aty janë shqetësime të qytetarëve për situatën politika apo mbështetje për kryeministrin dhe punën e bërë deri tani.
Në 17 korrik Agjencia Kombëtare e Shoqërisë së Informacionit njoftoi se vendi ynë u përball me një sulm kibernetik.
Për këtë shkak, shërbimet online dhe sistemet qeveritare u mbyllën për disa ditë.
Sipas Agjencisë Kombëtare të Informacionit, sulmi i sofistikuar drejt sistemit të informacionit, vinte nga jashtë Shqipërisë, raporton euronewsal.
