Një person, rreth moshës 27 vjeçe është gjetur pa shenja jete në një shtëpi pranë rrugës “Tranzit”, në Gjilan.
Lajmin për Telegrafin e ka konfirmuar zëdhënësi i Policisë së Kosovës për rajonin e Gjilanit, Ismet Hashani.
Sipas tij, ekipet e hetuesve dhe forenzikës rajonale në bazë të ekzaminimit të vendit të ngjarjes kanë konstatuar se personi i pajetë pa shenja dhune në trup është shtetas i Kosovës i lindur me (1995) me banim në Gjilani .
“Ju njoftoj se sot rreth orës 07:25 Policia e Kosovës, Drejtoria rajonale në Gjilan është njoftuar për një rast ku një person është gjet pa shenja jete në një shtëpi pranë rrugës ‘Tranzit’, në Gjilan. Ekipet e hetuesve dhe forenzikës rajonale në bazë të ekzaminimit të vendit të ngjarjes kanë konstatuar se personi i pajetë pa shenja dhune në trup është shtetas i Kosovës i lindur me (1995) me banim në Gjilani”, ka thënë Hashani.
Tutje, Hashani bëri të ditur se për rastin është njoftuar prokurori i shtetit i cili ka urdhëruar që trupi i pa jetë do të dërgohet në IML për kryerjen e obduksionit.
“Hetimet do të zhvillohen nga Policia e Kosovës njësitet e hetimeve rajonale në koordinim me prokurorin e shtetit. Rasti do të hetohet si ‘hetim i vdekjes’ “, tha ndër të tjera Hashani.
