Xhudistët kosovarë, Rios Kuka dhe Shpati Zekaj do të garojnë sot në Kampionatin Evropian U23 që po mbahet në Sarajevë të Bosnjës dhe Hercegovinës.
Zekaj do të garojë në kategorinë deri në 100 kilogramë, shkruan Gazeta Express.
Ai në raundin e parë ka kaluar pa luftë, kurse në të dytin do të përballet me xhudistin hungarez, Zsombor Veg.
Ndërkohë, Rios Kuka do të garojë në kategorinë deri në 90 kilogramë.
Ai në raundin e parë do të përballet me malazezin, Nenad Sinanovic.
Kujtojmë se dje garuan Erza Muminoviq, Dardan Cena dhe Laura Fazliu.
Kjo e fundit e fitoi medaljen e artë në kategorinë deri në 63 kilogramë.
