Policia e Kosovës ka arrestuar dje tre persona të dyshimtë për fajde në Gjilan.
“Me dyshimin e bazuar për kryerjen e veprës penale të detyrimit dhe fajdeve njësitë policore kanë arrestuar tre të dyshuar meshkuj kosovar si dhe kanë kontrolluar dy lokacione të dyshuara”,thuhet në njoftimin për media.
Tutje u theksua se gjatë kontrollit në cilësi të provave materiale janë gjetur dhe sekuestruar dy armë zjarri, tre karikator, 93 fishekë, dy telefona mobil, 1379 euro, 250 franga dhe disa dokumente.
Me vendim të prokurorit, të dyshuarit janë dërguar në mbajtje.
