Njerëzit me probleme shëndetësore afatgjata, duke përfshirë diabetin dhe problemet e zemrës, janë më të rrezikuar në kushtet e nxehta
Ndërhyrja për të parandaluar lodhjen nga nxehtësia dhe goditjet nga nxehtësia mund të jetë “shpëtuese” pasi njerëzve u kërkohet të kujdesen për shenjat e rrezikut.
Lodhja nga nxehtësia zakonisht nuk është serioze nëse freskoheni brenda 30 minutave, por ajo duhet trajtuar si një emergjencë nëse kthehet në goditje të nxehtësisë.
Shenjat e lodhjes nga nxehtësia përfshijnë:
• Dhimbje koke
• Marramendje dhe konfuzion
• Humbje oreksi
• Djersitje e tepruar, lëkurë e zbehtë dhe e njomë
• Ngërçe në krahë, këmbë dhe stomak
• Frymëmarrje e shpejtë ose puls më i lartë
• Temperatura e lartë 38˚C ose më lart
• Të qenit shumë i etur
Simptomat janë kryesisht të njëjta tek të rriturit dhe fëmijët – por të rinjtë gjithashtu mund të bëhen të fjetur dhe të përgjumur.
Provat e goditjes nga nxehtësia mund të përfshijnë:
• Frymëmarrje e shkurtër ose frymëmarrje më e shpejtë
• Një sulm/krizë
• Humbje e vetëdijes
• Dikush nuk reagon
Nëse njerëzit po tregojnë shenja të lodhjes nga nxehtësia, ata duhet të ndjekin këto udhëzime për të parandaluar fillimin e goditjes nga nxehtësia:
• Lëvizni në një vend të freskët
• Shtrihuni dhe ngrini pak këmbët
• Pini shumë ujë – pijet sportive ose hidratuese janë të mira
• Ftojeni lëkurën – përdorni një sprej ose sfungjer me ujë të ftohtë
• Përdorni pako të ftohta rreth sqetullave ose qafës
Nëse dikush ende nuk ndihet mirë pas 30 minutash pushim në një vend të freskët dhe duke pirë shumë ujë, ai po shfaq shenja të goditjes nga nxehtësia dhe mund të kontaktojë ndihmën emergjente. Tregues të tjerë përfshijnë mos djersitjen pavarësisht nga ndjesia e nxehtësisë, konfuzioni dhe temperatura e lartë 40˚C.
Si mund të shmangni sëmundjen nga vapa?
Ka hapa që njerëzit mund të ndërmarrin për t’u siguruar që janë të sigurt gjatë një vale të nxehtë.
Këto përfshijnë pirjen e shumë pijeve të ftohta, marrjen e dusheve të freskëta, veshjen e rrobave me ngjyra të çelura dhe të lirshme, shmangien e diellit ndërmjet orës 11:00-15:00, shmangien e alkoolit të tepërt dhe mos bërjen e ushtrimeve ekstreme.
Mjekët kanë dhënë gjithashtu këshilla të tjera për të ndihmuar në ruajtjen e shëndetit gjatë valës së të nxehtit. Këto përfshijnë të mos konsumoni shumë produkte me kafeinë pasi “ato mund t’ju bëjnë të humbni më shumë lëngje”.
Njerëzit gjithashtu mund të monitorojnë ngjyrën e urinës së tyre për të “siguruar që ajo është e zbehtë – shenjë kjo e mirë që tregon se ju jeni mjaftueshëm të hidratuar”. /KP
