Kryetarja e partisë Guxo, Donika Gërvalla, ka njoftuar se Burim Meta, është zgjedhur kyetar i Degës në Ferizaj.
Gërvalla përmes një postimi në Facebook shkruan se zgjedhjet në degët e tjera do të vazhdojnë gjatë javëve të ardhshme deri në kuvendin qendror, i cili do të mbahet në Prishtinë në fillim të muajit shtator.
Postimi i saj:
Dr. Burim Meta, Kryetar i Degës së Partisë Guxo në Ferizaj
Në vazhdën e kuvendeve zgjedhore, në prani të delegatëve dhe të ftuarve të shumtë, u mbajtën zgjedhjet në degën e Partisë Guxo në Ferizaj.
Me votën e më shumë se 150 delegatëve të pranishëm, dr. Burim Meta, bashkëthemelues i Partisë Guxo dhe deputet i Kuvendit të Kosovës, u zgjodh kryetar i degës në Ferizaj.
Një falënderim i veçantë i shkon koordinatores së Vetvendosjes në Ferizaj, profesoreshës Zogaj, e cila e nderoi kuvendin me praninë e saj.
Zgjedhjet në degët e tjera do të vazhdojnë gjatë javëve të ardhshme deri në kuvendin qendror, i cili do të mbahet në Prishtinë në fillim të muajit shtator.
