Cristiano Ronaldo është i fokusuar totalisht tek pushimet e verës pas një sezoni të lodhshëm dhe me një tragjedi familjare.
Futbollisti portugez është duke i kaluar pushimet me të dashurën e tij, Georgina Rodriguez në një jaht luksoz në Ibiza të Spanjës.
Pavarësisht se bukuroshja lindi në muajin prill, nuk la pa u vërejtur fizikusi i saj, i cili po shkon duke u përmirësuar dukshëm, shkruan “Gazeta Express”.
Futbollistin e Manchester Unitedit në pushime po e shoqërojnë edhe disa miq, por jo edhe fëmijët e tij.
Ronaldo e pati një sezon të lodhshëm me Manchester Unitedin, ndërsa në muajin prill e përjetoi një tragjedi pasi njëri nga dy foshnjat që po i priste me të dashurën e tij, nuk arriti të mbijetonte.
CR7 do të pushojë edhe disa ditë para se t’ju bashkohet “Djajve të Kuq” në fazën përgatitore para-sezonale.
Ndërkohë, po spekulohet se 37 vjeçari mund të largohet nga “Old Trafford”, shkruan “Gazeta Express”.
Pas një jave apo dy do të vendoset përfundimisht e ardhmja e pesë herë fituesit të Topit të Artë.
