Ministri i Shëndetësisë në Qeverinë e Kosovës, Rifat Latifi, edhe sot ka zhvilluar një takim, i cili nuk është edhe aq i rëndësishëm.
Ai sot është takuar me ish-presidenten, Atifete Jahjaga dhe deputeten Duda Balje.
Nga ky takim, detaje dhe fotografi ka ndarë vetë Jahjaga. Ajo tha se bashkë me Latifin e Baljen kanë folur për mundësitë dhe projektet që do të ndikojnë në sistemin e shëndetësisë në Kosovë.
“Gjatë këtij takimi diskutuam për mundësi dhe projekte të reja të cilat do të ndikojnë direkt në sistemin e shëndetësisë në Kosovë dhe shpëtimin e jetëve të pacientëve si dhe përmirësimin e shërbimeve mjekësore në Kosovë”, ka shkruar Jahjaga. /GazetaExpress/
