Dje rreth orës 16:00 janë evakuuar personat që ndodheshin në Aeroportin e Prishtinës për shkak të një kërcënimi me bombë që ka marrë një zyrtar.
Zyrtari i aeroportit ka marrë mesazh për një kërcënim me bombë, por që kjo doli të jetë lajmërim i rremë.
Në hapësirat e aeroportit nuk është gjetur asgjë e dyshimtë.
Njoftimi i plotë i policisë:
LAJMËRIM APO KALLËZIM I RREMË/Aeroporti i Prishtinës, 19.04.2023 – 15:57. Një zyrtar i Aeroportit ka pranuar një mesazh për një kërcënim me bombë në aeroport. Njësitë policore fillimisht kanë evakuuar personat që ishin në aeroport dhe pastaj njësitë relevante kanë kontrolluar hapësirat e aeroportit mirëpo nuk është gjetur asgjë e dyshimtë. Me vendim të prokurorit është inicuar rasti dhe mbetet në hetime.
