Florent Muslija është një nga lojtarët më në formë të Kosovës, pasi po shkëlqen te SC Paderborn këtë sezon me gola dhe asistime.
Ai thotë se Kosovë është gati për këtë cikël kualifikues dhe ka gjasa të mira për të luajtur në Euro 2024.
“Pres shumë nga ky cikël kualifikues. Mendoj se i kemi mundësitë shumë të mira për të arritur në Evropian. E kemi ekipin shumë të fortë dhe shpresoj se do të arrijmë maksimumin”.
“Atmosfera është fantastike dhe sigurisht se të gjithë jemi të lumtur që jemi këtu. Shpresoj se do të arrijmë të kallëzojmë veten për vendin tonë”.
“Kundër Izraelit pres një ndeshje shumë të mirë dhe jam optimist se do ta fitojmë ndeshjen sepse e kemi kualitetin”.
“Mesazhi për Dardanët? I falënderoj të gjithë ata që po na përkrahin dhe shpresoj se do t’i sjellim pikët e plota në Kosovë”, ka thënë.
Kosova luan si mysafir në ‘Bloomfield Stadium’ të Tel Avivit të shtunën me 25 mars nga ora 18:00.
