Përfaqësuesit e OVL-UÇK-së kanë arritur në qeveri për t’u takuar me kryeministrin Albin Kurti i cili dje në Kuvend deklaroi se të premten do të anulojë pjesëmarrjen e tij në Forumin e Prespës për t’i takuar veteranët.
T7 raporton se udhëheqësit e veteranëve të luftës tashmë janë në ambientet e kryeministrisë transmeton Gazeta Express.
Për disa orë veteranët dje protestuan para Kuvendit të Kosovës duke kërkuar që kategoria e tyre të përfshihet në ligjin për Pagën Minimale.
Ndërkaq opozita brenda Kuvendit kundërshtonte vazhdimin e seancës derisa të aranzhohet një takim mes Kurtit dhe veteranëve.
Seanca u ndërpre disa herë por s’pati dakordim mes shefave të grupeve parlamentare që të vazhdohet ajo me pikat e rendit të ditës.
Me ndërprerjen e seancës veteranët u shpërndanë të qetë pas disa orë proteste.
