Agjenda: Pas takimeve ndaras me Borrellin, në ora 17:15 Kurti e Vuçiq përballë njëri-tjetrit në Bruksel

Kryeministri i Kosovës, Albin Kurti dhe presidenti i Serbisë, Aleksandër Vuçiq tanimë ndodhen në Bruksel për takimet me Përfaqësuesin e Lartë të Bashkimit Evropian për Punë të Jashtme dhe Siguri, Josep Borrell, shkruan Gazeta Online Reporteri.net.

I pari i Qeverisë së Kosovës në ora 15:00, ashtu siç dhe ishte planifikuar, takoi Borrellin dhe të dërguarin e BE-së për dialogun Kosovë-Serbi, Mirosllav Lajçak.

Këta dy të fundit, pas takimit me Kurtin do të zhvillojnë edhe një takim ndaras me presidentin serb, Aleksandër.

Sipas agjendës së publikuar nga BE-ja, takimi i Borrell me Kurtin dhe Vuçiqin do të ndodhë në ora 17:15.

Fokusi i takimit do të jetë mbi propozimin e Bashkimit Evropian për normalizim të marrëdhënieve ndërmjet Kosovës dhe Serbisë.

Pas takimeve, Borrell pritet të mbajë konferencë për media.