Ministri i Financave dhe Transfereve, Hekuran Murati, ka kërkuar nga bizneset që t’ua rrisin pagat punëtorëve të tyre.
Sipas ministrit Murati kjo do ta bënte jetën më të lehtë, pasi vendi po përballen me ngritjen e çmimeve.
Po ashtu minsitri tha se për t’ua rritur pagat punëtorëve, Qeveria do të mbështesë secilin biznes që rrit pagat e punëtorëve duke subvencionuar 50 për qind të pagës, për tre muajt e parë, sipas kushteve dhe kritereve të aplikueshme, transmeton lajmi.net.
Njoftimi i plotë:
Bizneset t‘i rrisin pagat e punëtorëve
Çmimet janë rritur, por bashkë me çmimet, shumica e bizneseve kanë rritur edhe fitimet.
Andaj është koha që fitimet e shtuara, bizneset t’i ndajnë me ata që ua mundësojnë të kenë fitim – pra punëtorët. Sidomos tani kur jeta është bërë më e vështirë si rezultat i çmimeve më të larta.
Për ta bërë më të lehtë, qeveria do të mbështesë secilin biznes që rrit pagat e punëtorëve duke subvencionuar 50% të rritjes së pagës, për 3 muajt e parë, sipas kushteve dhe kritereve të aplikueshme.
Secili biznes që ka rritur pagat e punëtorëve nga shtatori e këtej, dhe dëshiron të përfitojë nga mbështetja e qeverisë, mund të aplikojë në platformën EDI deri më 20 dhjetor, duke ndjekur hapat si në vijim.
