Një 45-vjeçar nga Kosova vdiq mbrëmë në Treviso të Italisë nga plagët e marra gjatë një përleshjeje.
Përleshja, sipas mediave italiane, ndodhi mes disa personave nga zona e Ballkanit.
“Gjakderdhje e rëndë pak para orës 22:00 të së mërkurës në mbrëmje në Viale në Treviso. Sipas disa dëshmitarëve, një grup rumunë dhe kosovarë janë përballur me njëri-tjetrin jashtë lokalit La Musa”, raporton Trevisotoday, transmeton Gazeta Express.
Viktima ishte goditur disa herë me thikë.
Pjesëmarrësit e tjerë, rreth 20 burra, u plagosën, disa më lehtë e disa më rëndë.
Pesë prej tyre janë shtruar në urgjencë në spital pas plagëve nga therjet.
