Të dielën parashihet të mbajë mot i vranët dhe me intervale me diell.
Sipas institutit Hidrometeorologjik të Kosovës, vranësirat gjatë ditës, kryesisht pjesës së dytë, parashihen të shoqërohen me reshje shiu dhe shkarkime rrufesh.
“Reshjet më të theksuara parashihen përgjatë relievit malor ne perëndim dhe jugperëndim, ndërsa në pjesët tjera të territorit parashihen reshje të intensitetit me të dobët. Temperaturat minimale do të lëvizin ndërmjet 13-17 gradë Celsius, ndërsa maksimalet e ditës parashihen të lëvizin ndërmjet 22-26 gradë Celsius. Shtypja atmosferike mbetet nën vlerat e normales, cilësia e ajrit do të jetë e mirë, ndërsa indeksi UV do të shënoj vlera mesatare”, thuhet në njoftimin.
