Ballina Lajme OAK: Prodhuesit po sfidohen nga mosfunksionimi i shtetit ligjor

OAK: Prodhuesit po sfidohen nga mosfunksionimi i shtetit ligjor

Mungesa e subvencionimit nga shteti dhe subvencionimit që shtetet e tjera po i bëjnë eksporteve në Kosovë, pagesat me vonesa, taksa 3 përqind për prodhime bujqësore janë duke e dëmtuar rëndë prodhuesin vendor.

Mungesa e subvencionimit nga shteti dhe subvencionimit që shtetet e tjera po i bëjnë eksporteve në Kosovë, pagesat me vonesa, taksa 3 përqind për prodhime bujqësore janë duke e dëmtuar rëndë prodhuesin vendor.

Kjo dhe pengesa të tjera ishin temë e diskutimit gjatë vizitës që Oda e Afarizmit i bëri fabrikës së djathit MATI me përfaqësuesin Armat Kryeziu.

Kryeziu theksoi se institucionet e Kosovës nuk janë duke e përkrahur prodhuesin dhe për këtë po është shumë e vështirë që të shfrytëzohen të gjitha kapacitetet prodhuese për të cilat janë bërë investime të mëdha.

Prodhuesit vendor po përballen përveç me përqindjen ekstra që marketet po iu kërkojnë në fund të çdo viti edhe me diskriminimin që marketet po u bëjnë prodhimeve vendore.

Gjithashtu si pengesë u përmendën edhe vonesat e mëdha të pagesave nga ana e Ministrisë së Bujqësisë.

Si pasojë e kësaj, vetëm në fshatin Kijevë të Malishevës brenda 2 viteve janë mbyll 8 ferma me mbi 150 krerë lopë.

Kompania MATI ka kapacitet të përpunimit prej 15 mijë litra në ditë dhe në ferma ka mbajtur deri 1200 krerë dhi.

MATI është një nga prodhuesit e rrallë dhe shumë kualitet edhe të djathit të dhisë që është produkt shumë i kërkuar në treg.