Ballina Kulture Në Prizren konfiskohen dy armë

Në Prizren konfiskohen dy armë

Me datën 5 maj 2019, zyrtarë të Policisë së Kosovës gjatë aktiviteteve në dy raste të ndara në Prizren kanë sekuestruar dy armë të cilat ishin në pronësi ilegale dhe pa leje përkatëse.

Në njoftimin e policisë thuhet se “në rastin e parë Policia ka ndaluar një automjet për verifikim dhe gjatë kontrollit të drejtuesit dhe pasagjerëve në njërin nga bashkudhëtarët ka hasur në një armë ilegale pistoletë ngjyrë e zezë ‘Ekol Special 99’, kalibri 9 mm. Ndaj të dyshimtit është iniciuar procedurë dhe sipas prokurorit kujdestar rasti ka kaluar në procedurë të rregullt.

Ndërsa në rastin e dytë Policia pas raportimit të një aktiviteti për tentim vjedhje në fshatin Zhur të Prizrenit, pas kontrollimit dhe verifikimit të informacionit dhe vendit të ngjarjes ka gjetur në posedim të pronarit një armë të tipit ‘Valtro’ modeli 85, Cambat T kalibër 9 mm, për të cilën nuk kishte leje paraprake. Gjithashtu pas plotësimit të procedurave adekuate me urdhrin e prokurorit rasti shkon në procedurë të rregullt hetimore.

Me këto raste po merren hetimet përkatëse në procedura të rregullt, thuhet në fund të njoftimit.